لا تلوم قلب يسهر الليل ولهان

سبحآن من صوّرك يآ زين سبحآن
ماكنك إلا في حلاك اتحدى

ماهمّك إليا صآر للوصف ميدآن
يكفيك خطف عيون يوم اتعدى

كل شي فيكم صار له حس ولسآن
وكل شي فيني لاتمايلت هدى

لاتلوم قلبٍ يسهر الليل ولهآن
كل مآ سلك في درب طيفك تصدى

جيت آتعشآ فيك هالقلب جوعآن
واشوفك اللي في حبيبه تغدى

لايآ الذهب ماطآلتك كل الاثمآن
وغيرك يُبآع ويُشترى ويتصدى

لو مآ وجودك بين قآفي والاوزآن
يآويش جآب الشعر ويآ ويش ودى

لايطول صدك طلّ واكسب بي احسآن
مليت من بُعدٍ علي يتردى