ياحبيبي طلبتك جعل يرضى عليك

ياحبيبي طلبتك جعل يرضى عليك
لا تخلي وليفك دام قلبه بغاك

اطعمه من حنانك في ملامس يديك
ما يبي في حياته غير لحظه دفاك

لا تخلي وليفً طول عمره يبيك
ما يدوّر بديلك ما يدوّر سواك

ما كتب في حياته شعر دايم ركيك
يكتب اللي يليق بحضرتك مستواك

ولا يحط العذارى في الحنايا شريك
لانه اللي وفى لك من عظايم وفاك

انت وحدك حبيبي في ضلوعي مليك
وانت وحدك حبيبي ما ينافس حلاك

بين عتم الليال وبين خوف السكيك
كيف امشي حبيبي واتناسى سماك

في وصوفك بديت وما قدرت انتهيك
خايف اظلم وصوفك والله اللي عطاك

رمش عينك يعذب من اهلك وذويك
وابن راشد تعذب يشهد الله معاك

وانت ثغرك حبيبي شاع نور التريك
النجوم المضيئه ماخذه من ضياك