يضيق صدري حين فرقاك

أسعد ولوبي هم وإياك
وجروح قلبي بشوفك اتطيب

ويضيق صدري حين فرقاك
حالي غدا من دونك اصعيب

حزت الغلا ماحد يسواك
عندي بلا شكٍ ولا ريب

مادام عمري يالضنا افداك
كل لي بغيبته فالك ايطيب

بس لا تعذر قلب يهواك
رجواي فيك الظن مايخيب

ابتعت ناسي لكسب ارضاك
وان طحت مالي غيرك امثيب

سارح ودوم الفكر جدواك
ماريت لي غيرك معازيب

قالوا حمد ويش الذي جاك
قلت ابتليت والحب هب عيب

احسب متى لي إيحين لقياك
وإيطول وقتي ولوهو اقريب

من لهفتي وشوقي لرؤياك
مر الثواني بالمغاصب

وش خانة الدنيا بلياك
دونك فلالي شيٍ ايطيب

ماهمني فالكون شرواك
وحسنك وطيبك والتراحيب