نكبات وقتي ما عاد اليوم تعنيني

نكبات وقتي ما عاد اليوم تعنيني
ما اقول يا وقت من نكباتك يكفّي

،،

انا اللي اقدام رجليني توديني
اغيب وامشي بهالدنيا على شفّي

،،

ما اتعب مع الناس لأجل الناس تعطيني
ولا همني بينهم من كان متخفّي

،،

آصد ما كنّي اسمع من يناديني
الصمت يكفي عن ابلغ رد ويوفّي

,,

لا تحسب انّك تحرك ساكن بعيني
ولا تحسب انّي على شوفتك متشفّي

،،

ما رجعتني اشاره من معاديني
رجعت تقدير للي وقفوا صفّي

،،

والا انت ياللي كلامك ( بالقفى ) شيني
ليتك تقفّل على ما جاك وتقفّي

،،

اليوم هذا يا صغرك في نظر عيني
عندي مثل نملة ٍ تمشي على كفّي