سالي عبد السلام تكشف إصابتها بمرض الثعلبة وخلل المناعة للمرة السابعة..

كشفت الإعلامية سالي عبد السلام، عن إصابتها للمرة السابعة بمرض الثعلبة الذي يُصيب فروة الرأس، مُعربة عن حزنها الشديد وخاصة أنها أنهت علاج نفس المرض منذ خمسة أشهر فقط، وبدأت التعافي من حقن الكورتيزون ووضعت برنامجاً لتخفيض الوزن.

ونشرت سالي عبد السلام، مقطع فيديو من داخل عيادة طبية أثناء تلقيها العلاج، وكتبت عبر حسابها الشخصي بموقع انستغرام: دخلت الدوامة دي تاني! مرض الثعلبة وخلل المناعة للمرة السابعة في 5 سنين.. سبحانك يا رب.


وتابعت قائلة: يا دوبك لسه مخلصة علاج وكورتيزون وحاولت أخس تاني وأرجع أعالج شعري من الصيف!! في 5 شهور تعافي بعد ما تتعالج تطلع تاني بالسرعة دي ودي أول مرة تحصل! 3 شهور من الضغط النفسي والعصبي ودي أول حاجة ترجع المرض ده.

وواصلت قائلة: حاولت أمثل إني كويسة زي ما على طول بعمل بس جسمي كل مرة بيرفض يمثل معايا، وابتليت في أكتر حاجة كنت بحبها.. سبحانك يا رب.. لما الدكتورة تقولي فيه أطفال وبنات بقت تيجي تاخد الحقن وتقول سالي بتاخدها، بفرح.. وأقول لعلها المنجية من الابتلاء!.

واختتمت الإعلامية سالي عبد السلام حديثها قالة: ادعولي مفيش حاجة تستاهل إنك تضغط على نفسك ولا تزعل وتمرض وتموت، إنا لله وإنا إليه راجعون.