حى على الفلاح

أنا تعبت
كل شويه التزم واصلي وارضي ربنا...
لكن دايما بحس بملل وارجع
تاني انسى وابعد
ايه الحل
ببساطه لأنك بتقوم بعباده ربنا بدون روح
يعني انت عامل
زي اللي بيشتغل حاجه مبيحبهاش..
بيروح الشغل علشان يقضي الغرض..
بدون روح. بدون سعاده.
رايح وخلاص علشان اصرف
على بيتي وعيالي..
يعني بدون روح
تخيل بقى لو انت بتحب شغلك
هيبقي ايه الوضع؟
كل يوم هتبقى صاحي مبسوط
وحاسس بقيمه عملك
وأهميه حياتك.. هتروح بروح تانيه خالص..
هتحس السعاده الحقيقيه..
وده نطبقه على عبادتنا اليوميه..
ده الفرق بين واحد بيصلي
علشان ده فرض ربنا
ولو مش هيصلي هيدخل النار..
وواحد تاني بيصلي
بكل سعاده ومنتظر الصلاه
وبيعتبرها افضل موعد في يومه
لانه هيقابل حبيبه ..
ومن هنا ييجي معنى روح الدين
ان يكون التزامك ليه روح
مبسوطه وسعيده..
مش بتعمل العبادات خوف وخلاص..
لا بتعملها حبا وشوقا وقلبا وعقلا..
وكل ده بييجي بالعباده بالحب
هتقولي هو ايه مصدر كلامك ده..
انت بتقول كلام غريب
هقولك عن حديث سيدنا جبريل
لسيدنا النبي صلى الله عليه وسلم
عن الإحسان وهو أعلى مراتب الإيمان..
وهو ان تعبد الله كأنك تراه
فإن لم تكن تراه فإنه يراك
كلنا نعرف الحديث ده..
بس قليل جدا اللي بيعيش بيه
ومن خلال العيش بالإحسان
هتحس بلذه عباده ربنا..
ازاي تقوم تصلي
وانت مبسوط ومستني وقتها..
ازاي مبتغضبش ربنا حبا ليه
مش خوف وبس..
هتلاقي معاني كتيره اتغيرت في حياتك..
حياتك هتبقى أسعد بكتير..
ده انت كمان هتعرف
انك مكنتش اصلا سعيد
قبل متتعلم الكلام ده..
هتعرف معنى ازاي تحس بالفرحه
لما تبكي من خشيه الله..
ازاي تتأثر بآيه من القرآن
وتدمع من جمال معناها..
هتعرف حاجات كتير جميله عن الدين..
والوصول إلى الإحسان
مش حاجه سهله خالص..
عايز مجاهده للنفس
واخلاص النيه
والدعاء مع الالتزام..
َوهنا هييجي دروسنا
عن الطريق إلى الإحسان
وتزكيه النفس
وحب الله سبحانه وتعالى
لكم خالص تحياتى وتقديرى
الدكتور علـى حسـن

(فإصبر كما صبر أولو العزم من الرسل .)
سورة الأحقاف ..
صدق الله العظيم
اصح الاقوال التى تحدثت
عن اولو العزم من الرسل
انهم خمسة
سيدنا محمد..نوح ..
ابراهيم..موسى..عيسى..
وسبب تسميتهم بذلك الاسم …
لما تميزوا به من الهمة
العظيمة فى الدعوة الى الله..
والصبر على مانالهم
من الاذى البليغ …
فى سبيل الله …
والثبات فى مواجهة الباطل …
والقوة فى الحق
لكم خالص تحياتى وتقديرى
الدكتور علـى حسـن