ايه رايك اسمعنى كويس وأقرأ رسالتك دى

بتؤمن إن ربنا بيبعتلك رسايل؟
طب اسمعني كده…
دي رسالتك الليلة :

إزيـــــــــــــــــــك؟
أنا مش جاي أقولك قوم شد حيلك بالعافية،
أنــا جاي أطبطب عليك وأقولك:
لسه الحكاية ما خلصتش…
ولسه في خير كتير مستنيك.

لســه هتضحك من قلبك،
ولسه في مشاعر هتحسها لأول مرة،
لســه في حاجات حلوة
هتحصل تبرّد نار جواك،
لســه في حلم جميل
مستنيك تكمل علشانه.

ربنا ما بينساش،
واللي فات مش نهاية…
دي كانت محطة
تتعلم، وتكبر، وتقرب أكتر.

صدقنــى بكرة ربنا هيراضيك،
والقدر هيبتسم في وشك،
وهتفتكر كلامي وتقول:
“ياااه…
قد إيه كانت الرحلة تستاهل الصبر.”

وطــول ما انت ماشي،
لما تتعب، لما تحس إنك تايه،
لما الدنيا تقفل ف وشك،
قولها بقلبك:

“لا حول ولا قوة إلا بالله.”

عارف؟ دي مش جملة وبس…
دي دفعة، ورفع، وحماية،
وكنز من كنوز الجنة.

خليها دايمًا على لسانك،
وخلّي عندك يقين…
إن الجاي أحلى، بإذن الله.
مساءكم رضا من الرحمـن
لكم خالص تحياتى وحبى
الدكتور علــى حسـن