لا تجـرح القـلب .. يا غالـي علـى هونگ !!

ابعد من الناس واشكي الهم من دونك
واقبل الجرح واخذ لي معه صوره ..
.
بعيد عني وانا مشتاق لعيونك
عطني وعد للقا واعطيك دستوره ..
.
عواذل الحب لا لا لا يهمونك
ما جربوا لذة المشتاق وشعوره ..
.
يا حظ عين اللي بجنبك يشوفونك
ويا حظ من مرّ شارع بيتك وسوره ..
.
لا تجرح القلب .. يا غالي على هونك
سرب الغلا في غيابك طارت طيوره ..
.
تجرحني الناس لا من قالوا شلونك ؟
اكذب عليهم واقول بخير من جوره ..
.
يا ليت الاعيان في بعدك ما يبكونك
او ليت عادك تدل الشوق وتزوه ..
.
حلفت بالله طول العمر ما خونك
وغياب حبك يساوي عندي حضوره ..
.
في كل يوم اطلب الله جعله يصونك
يا من جميع المرايا فيك مغروره ..
.
اشوف كل الجمال بنظرة عيونك
ملامحك لو ملاها الكبر .. معذوره ..
•