ليه العطر .. وانتي أنفاسك دخون

هو فيه مثلك .. ياللي الحسن ظلك
ليه العطر .. وانتي أنفاسك دخون
وليه الكحل .. وانتي ما غيرك عيون
وليه تفكيرك يكون .. انك تكوني دايم أجمل
انتي أجمل من جمالك .. من دلالك .. من خيالك
ياللي كل أفراح قلبي والحزن
في المسافة بين فرقاك ووصالك
وليه يا القلب الحنون تاخذك فيني الظنون
ضيعت عقلك .. هو في مثلك .. انتِ ما غيرك عيون
وأنا أحبك .. وإنتي أنفاسك دخون
*******
ياللي أحبك .. ليه احبك
أو ليه ما أحبك وانتي علمتيني ان الحب كله أسئلة ما تنتهي
وليه أحبك وانتي علمتيني ان الحب لا غدا لمثلك أبد ما ينتهي
ياللي علمتك تكوني في ضعف ضعفك أقوى مني
يا انتي ضحكاتك تغني .. وابتساماتك شعر
يا انتي ضحكتك تغني .. وكل ما شفتك أصر
انك أجمل من جمالك .. من خيالك .. من دلالك
وليه يا القلب الحنون تاخذك فيني الظنون
ضيعت عقلك .. هو في مثلك .. انتِ ما غيرك عيون
وأنا أحبك .. وإنتي أنفاسك دخون
*******
على حبك أنا ابقفل أبوابي
وبطيوفك أنا ابسقي أهدابي
يا انتي يا انتي أحبابي
صدقي .. صدقي .. صدقي
قلبي لك وحدك .. صدقي
مااقوى على بعدك دقايق .. بس دقايق
يا ظلي .. يا داري يا أجمل أفكاري
تظلميني لو تقولي اني عاشق .. بس عاشق
ياللي وحدك تسمعي صمتي وكلامي
ياللي ضيّك أتعب همومي وظلامي
صدقي اللي في قلبي لكٍ اكبر افكار من القصايد والحكي
تصدقي انك أجمل في عيوني من جمالك من خيالك من دلالك
لا يالقلب الحنون .. لا تاخذك فيني الظنون
ضيعت عقلك .. هو في مثلك .. انتِ ما غيرك عيون
وأنا أحبك .. وإنتي أنفاسك دخون