طال السكوت

طال السكوت.. وظاق صدر السواليف
والبال.. من كثر الهواجيس عايف.!

والليل طااال.. وطارق الصبح ماشيف.!!
وانا..وصمت الحزن..صرنا ولايف.

اسج..مع هجس الطواريق..واعيف
هجسي..وطاروق الضلوع النحايف.!

تجوع.. سلمى.! واترك..الكم.. والكيف!
واقسم..رغيفي بيننا بالنصـايف.؟

اقرأ..وتكتبني..قضيه, وتعريف
وتظما. وتشربني ..نحيب, وذرايف!!

صمت الشعور.. احساس.. ماله تواصيف
أكبر من حروف الحكي, والوصايف..؟؟

ياسيف كيف اشرح لك الوضع ياسيف؟؟
اقلامنا جفت ورفعت صحايف.!!

كيف ابتدي يامسندي..وانتهي كيف؟؟
من دون كيف؟ انا مثل مانت شايف.،!

شفني بقايا انسان والوقت كالسيف.!
وحظي كفيف..! وفرحتي.؟ حلم زايف!

همي بحر..وضلوع صدري..مجاديف
والعمر مركب..بين الأمواج طايف.!

وقلبي وطن..وعروق قلبي تجاووويف
للحزن.. وهمومي.! شعووب وطوائف..!

صوعات بقعا ..والقدر ..والصواديف
ورتني اهوال السنين العجايف. ‏

أتبع.."خريف العمر" في رحلة الصيف..!
وازحف ..على حد السيوف الرهايف..

الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!

والمصلحه ..مفتاح باب المواقيف .
والواسطه ..مفتاح باب الوظايف ..!!

والفقر..يفتح للوجيه المصاليف.
باب الصلافه و الضعايف ضعايف

لاصار لك حاجه ولالك معاريف
بشت القناعه‏........,.......,....!

ان قلت لك خايف! ترى ماني ضعيف
ولاني شجاع !!ان قلت ماني بخايف؟

ياسيف وش عذر المعازيب للضيف؟
لامنها ضاقت صدور المضايف.!

قل للسوافي لوتهب العواصيف
عنها رقينا عاليات النوايف..

تسفي وحنا فوق روس المشاريف
في راس نايف.. والخلايف ..خلايف

وقل للضعوف اللي تحسب المصاريف
حنا ترانا ماحسبنا الكلايف.

لوشحت ..يدين الزمان.. المناكيف
نبقى على ..عهد الوفا.. مانزايف

وان طال.. بال الليل.. قل لـلسواليف
بوح السهر من ظيقه الصدر عايف..!

مما راق لي للشاعر/عادل الرشيدي

سلمت اناملك على الإنتقاء
دمت بسعادة بحجم السماء
لقلبك طوق الياسمين

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

انتقاء مميز شموع ..
سلمت اناملك ..
دام ابداعك وتألقك ..
تحياتي /

طررح يفوق آلجمآل ,
‎كعآدتك إبدآع في صفحآتك ,
‎يعطيك آلعآفيـه

طرح جميل وموفق ربي يعطيك العافيه
ولا ننحرم من جديدك الدائم
تحياتي