أسوأ ١٠ مشاعر تمر بك

أسوأ " 10 " أنواع من المشاعر ممكن تمر بيها في حياتك ...

1_لما تعيش أطول فترة من عمرك " حد مِعطاء جداً " فَـ تحصد بعد عطاءك ده كله " إساءة" ..و كأن ذنبك الوحيد إنّك كنت إنسان أكتر من اللازم ...

2_لما تحس إن أكبر جريمة عملتها في الحياة إنك "شخص صبور " بتتحمل كتير و قليل الشكوى .. واللي قدامك بيستغلّ صبرك لِصالحه هو ..

3_ لما تندم على شعور حلو أو إحساس بالحب حسيته تجاه حد معين نتيجة لمواقفه و تصرفاته السيئة معاك بإستمرار..

4_لمّا تحزن وما تلاقيش الإيد اللى تطبطب عليك ..و لو طبطبت النهاردة ما بتكملش معاك بقية العمر نتيجة للظروف .. أو تغير النفوس ..

5_لمّا تعجز إنك تنقذ حد قريب منك من الغرق في متاهات الحياة أو تعجز إنك تمنعه يكمل في طريق مسدود ..أو تفشل إنك تحميه من نفسه حتى ..

6_لمّا تكون بين أهلك وأصحابك وأصدقائك وناسك و رغم كده تحسّ إنك أكتر حد وحيد في الدنيا و اللي حواليك عبارة عن فراغ ..
و دي اسمها غُربة الشعور ..

7_ غربة النفس ؛ المغترب عن نفسه ده حد ضايع بين الفواصل ؛ لا قادر يوصل للشئ اللى بيتمناه ولا قادر يكمل مع شخص بيحبّه ..
مش عارف يلاقي حد ولا شئ ..لأنه في الأساس مش لاقي نفسه محبوس جوا زنزانته ..

8_لما تعيش قصة حب وتكتشف في نهايتها إنك كنت مجرد كومبارس .. مش " البطل " ..كنت مجرد متفرج و اتلعب عليك دور البراءة بإحتراف ..والعشق اللى قدمته كان "وهم متوج بالخذلان" ..

9_لما تعيش الظلم من أقرب الناس ليك ويموت فيك دفاعك عن نفسك .

10_لما يسقط يوميا قدامك قناع ورا قناع لأشخاص كنت فاكرهم أغلى هدايا وصلتك مِن القدر ..
و تكتشف إنهم عبارة عن كوكبة من الزيف والخسة "

سلمت يمينك
ولك احترامي وتقديري

تسلم أناملك عالطرح الرائـع
لآحرمنـا الله روعة موأضيعك
شكرا لمجهودك المميـز

كل الشكر على طرحك الرآئع
وفي انتظار ابداعك القادم بكل شوق
لك وافر التقدير
تقبل مروري المتواضع

سلمت الايادي
ويعطيك العافية لـ جمال الآنتقاء
لروحك جنائن الورد .

إنتقاء مميز وجهود قيمة

لا عدمنا هذا الْتميز وَ روعة الأختيار
ربي يعطيك الف عافية