جيت كلي من ضما الشوق وعيوني تبيك

جيت كلي من ضما الشوق وعيوني تبيك
برتوي شوفك لو الشوف مايروي ضماي

قلت ابتغلا وابزعل وابرجع بين ايديك
مادريت انك من اليوم تتحرى خطاي

لاتعاتبني طلبتك ويرحم والديك
ماقصرت الواجب اللي يقلل من غلاي

وافيه بحقوق الاحباب مامعك الشريك
حافظه حبك عن الناس في لبة حشاي

لو تبيني بس اعدد حقوقي اللي عليك
كان والله تعترف لي بتقصيرك معاي

لكن الحب الحقيقي يخليني اجيك
واعنيلك بس ادور من الضيقه دواي

وأتفاخر بين نفسي وحبي واشتريك
من غلاتك كنك النجم في عالي سماي

قسوتك فيني كبيره ومدري اشصار فيك !
لاتجنني بفعلك .. ولاتبحث خفاي
الشاعره نوض

سلمت يمينك
ودام لنا هذا الإبداع المتواصل

جلب مميز وانتقاء ثري
الف شكر على هذا الاختيار
المثالي والرفيع

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه
سوف آظل أترقب الجديد بكل شوق
لك كل الود والاحترام

-


كلمات رائعة جدًا
شُكرًا على جمـال طرحك المميز
لا حرمنا الله من إبداعك المُستمر
و الله يعطيكِ الف عافيه .
لك

شكراً بحجم السماء لكل حرف ترك عبق عطره هنا
تقديري واحترامي لحضوركم الراقي