يغني لي قبل عين تنام

"يغني لي قبل عين تنام
حكاية طير في زرع اليتام

يغني لي يقل( لا حلك الله)
وقال الطير ذا جورالحمام

يغني لي يقول أغفا حبيبي
على صدري لك بصدري مقام

وكيف اغفا وطرفه هوب غافي
لزوم أسهر لجل طرفه ينام

فلا عينه تنام ولا عيوني
واقوم اجاذبه عذب الكلام

اجر طروق شعري من عيونه
اهيم بعينه النعسا هيام

واصب الحب في سمعه قصيده
اصورها قحاوين وخزام

ويمر الليل.. وكن الليل ساعه
نهيم ابهاعلي شط الغرام

زمان (ن) سال دمعي لي ذكرته
زمان(ن) صارت أيامه عدام

رضيت بخيمة (ن) بعد القصور
وحتى خيمتي صارت هدام

انا ظامي غرام (ن) من غرامي
حبيبي به ظما ظلم وخصام

ذكرته منيتي ولوني نسيته
نسيته بين لحمي والعظام

حبيبي لو يعذبني أحبه
وأحبه لو يحطمني حطام

أحبه لو نسي حبي احبه
واحبه لو جفاني الف عام

ولوتوقف على قبري صقوفه
أحبه لينه يقوم القيام

ولونار(ن) كوتني من فراقه
غدت عند اللقا (برد وسلام