وقف يا عمر بقلمي الشاعر محمد البهلوان

وقف يا عمر شوية هتعمل ايه فينا
بتجري ليه مستعجل اهدأ بقى علينا
ملامحنا ليه اتغيرت وبقينا مش احنا
وكأن حد تاني جه سرق ملامحنا


وكأن ولا جينا الحياة من قبل ما جينا
مين في المراية احنا ولا احنا مش احنا



جريت بينا الايام اهو يوم ورا التاني
في دنيا مليانه حكايات تخلص تعود تاني

وفي وسط زحمة المشاوير و العمر ماشي بينا
نسينا نعيش حياتنا وليه ليه احنا بقى نسينا

وكأن ولا جينا الحياة من قبل ما جينا
مين في المراية احنا ولا احنا مش احنا


وقف يا عمر شوية كفاية هتعمل ايه فينا
بتجري ليه مستعجل اهدأ بقى شوية علينا



مجروحة اووي من نفسي
تعبانه مش فاهمه

معقولة العمر يجري
دي نهاية الرحلة

ايه اللي اتغير وراح
من دينتي من اللي راح

اجمل سنين عمري ضاعت
يا دنيا اه من ايديا


وكأن ولا جينا الحياة
من قبل ما جينا
مين في المراية احنا
ولا احنا مش احنا


بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات