بشويش

بشويش



بشويش دَز الباب اخـــر الليـل بشويش

دَزّه وانا فــــي غفوتـــي راقدٍ بشويش

مدري حلــم ولاّ علـــم لفانـــى بشويش

بشويش همـــزني وسلم علـــي بشويش

وانا جريح وكسري ما هوعلي بشويش

احسب انه طبيب يعطــي الدوا بشويش

ولا ممـــــرض يقـيس الـضغط بشويش

وبشويش نظـــــرته اثر الـغذي بشويش

جانــــي يسلم علــــي ويشوفني بشويش

قال السلامـــه واللعب ع الخيل بشويش

مـــد البنان ومخضب الكفيــــن بشويش

ومسح جبينــــــي وقرا التعاويذ بشويش

وبشويش ابكـــى عيوني وونيت بشويش

واغمض جفــونه وسالت دمعته بشويش

يا قلب هوّن غرامـه اللي بلاني بشويش

ويا قلب وش حيلتــي وانا اقول بشويش

بشويش يا قلب وافهــــم مـرادي بشويش

الريم دنيتي وغلاه عنـدي ما هو بشويش

الريم لـو يطلب مية العين ماعطيه بشويش

وبشويش دم الوريد موهــوب له بشويش

الريم غاية مرادي وصبره علـي بشويش

يا ريم جيّتك ما هـــي علي اليوم بشويش

والله انك كما ترد علي الــــروح بشويش

عطني يمينك واهمس حروفـــي بشويش

والله احبك وحبـــي لك ما وقعته بشويش

حبك سكـن داخل خفوقي ينبضه بشويش

وان كان جــرح الساق زاد الالم بشويش

اليوم حضرتك عندي تطفي الوجع بشويش

بشويش بشويش وتعبت مـن قول بشويش

كلمة " احبك " قولها .... امانه ولا تقولها بشويش

بقلمي .. ق.ا / الرهيف
من ارشيف كتاباتي