[ تَغرِيْدَةٌ فِيْ سَمَاءِ الشَعرِ ] .

اجيت تشوفني وبعيونك اشواك
لو شامت اجيت ويه اليشمتون
اشو صافن علي والرجفة بشفاك
رمشك ما رمش تعبت الجفون
معقولة الخجل لو تحس ندمان
هم عندك احساس وية اليحسون

حجيت بلا قصد من كتلك تروووح
شجاك وجاوبتني نشوفك بخير ...!!

طبع بالكاع صار سنين وسنين
تكسر بالكلوب وتاخذ الزين
عليها الناس تمشي اشكال والوان
بس تختار ياهو اليترس العين

اكول تهون بس شتهون
من اشتاك
تالي الليل
بفراشي اذب
عيون

احن واشتاكلك كلما يمرني غروب
واكطع روحي بسيوف الملامه
وادور وينك انته واسأل الناس
هم شفتو كمر وبخده شامه
ابوس بصورتك اذا بالصفنه مريت
واظل صافن لحد يوم القيامه

بهيده أرجوك من تلعب بالجروح
عزيزات واحب يبقى أثرهن
هاي اجروح مصنوعه من الاحباب
جامعهن بروحي وما اهدهن
اغني بصوت داخل من يجي الليل
جروح تحب تنام بصوت أهلهن
ومن ضاع الولف ما ضعت انه وياه
جبت جروحه شتلته ووسدتهن