يابنت ياللي ينقال عنك خجوله

يابنت ياللي ينقال عنك خجوله

الله خلقـني بنت نـاس وحـمولـه
قــــدري تعّــلا بالثريـــا مكــــــانــه

ماهمني هـرجـة قـفـا او مقـولـه
او عـاذلٍ يحـب أصـول الخـيانـــــه

ولاهمـني قـرع الحكي أو طـبولـه
مـادام نبـض القـلب صدق وأمانـه

يـاللي تجـاهر بالـخطـا وبسـهـولـه
ماخفـت من ذنـبٍٍ يخـالـط إهانـــه

ذلٍ تجـيبـه كـل لحـظـه عجـولـه
لا ابـوه لا ابو كـل نفـس ٍ جبـانــــــه

يابنـت ياللي ينـقال عنـك خـجولـه
بيـنك وبيـن الكـل صـارت ميـانـــه

هـذا حبـيـبك أوصـديـق الـطفـولـه
وهـذاك ولـد الجـار كنتـي وزانـــه

ليـتك بقـيتي لغـز صعـبٍ حـلولـه
او ليت ليتـك شي دونـه حـــصانـــه

وياهـيه ياللي تفـتخـر بالـرجولـه
وينـك وويـن المـرجلـه والـــــرزانـه

الطيـّب اللـي كـل دربٍ يجـولـه
يتـرك وراه الطيب في كـل خــانـــــــه

وطـبع الـرديّ يبـقى ولا شـيٍ يـزولـه
بالـعقـل عـاهـه وان تـثـقـّف لسانـه

واللـي قـريـبٍ كـل ايـد ٍ تـطـولـه
يـرخـص بـعيـن الكـل ويـقّــل شــــانـه

وانـا تـرى مانـيـب بـنـتٍ زعــولـه
ازعـل على اللي مـاينـومـس زمــانـه

ازعـل على اللي في حيـاته بطـولـه
راعـي عـلـومٍ افتـخـر فـيـها عـشـانـه

شـيـخٍ كـريـمٍ ولـد نـاس وحـمولـه
مثـلي تعـلاّ بالـثريـا مكـــــــــــاااااانـــه