ياجرح ياللي في حشايـه تمكنـت

ياجرح ياللي في حشايـه تمكنـت
انزف وخلك مع جروحـن قديمـه


منته بالاول يوم شفـت وتمعنـت
غيرك جروحن مبطياتـن مقيمـه

ياجرح محسب لك ولو كنت ماكنت
وحتيش ولو راحت اظلوعي حطيمه

شربت من كاس المعاناه وادمنـت
وصارت معاناتـي بجنبـي لزيمـه

اصبر واخفي لين بالشعـر بينـت
كل الجروح اللي بصـدري اليمـه

انا بليت بحـب مزيـون واعلنـت
بوح القصيد الي عليهـن وسيمـه

وياقلب لاتحزن على الوضع هيمنت
اعرفـك ياقلبـي تظيـم المظيمـه

ماهزتك سـود الليالـي ولا لنـت
من خلقتك وانتـه عـدو الهزيمـه

وين انت ياساس المعاناه وين انت
ياللـي معذبنـي وقربـك غنيمـه

اسمك كتبته بين قوسيـن لاهنـت
وذكراك في قلبي سوات الهشيمـه

معاد لـك حـس ولاعـاد بينـت
غيبتك عنـدي والله اكبـر ظليمـه