الا الزعل يا زين ما عدت قاويه
الا الزعل يا زين ما عدت قاويه
كافي زعل ما للزعل أي داعــي
لا لا تخيب في محبك هقــاويـه
راعي ظروفه مثلما هو يراعـــي
ما كنت تدري بالذي كان ناويـه
حكمت واسقيته سموم الأفاعي
واظن ماهي لـك غريبه حكاويـه
حبك بقلبه صدق ماهو صناعي
غلاك في قلبه أبــد وش يساويه
يبذل بشان رضاك كل المساعي
يا زين كم مره ذراعـي تلاويــــه
لأنّ قطع الوصل فيـه انقطاعـي
واصبر واعديها على ما تراويــه
واظهر لك الراحه وحلو انطباعي
دايم تحملني الخطا وانا اداويه
ابشر وسم وتم جاك انصياعــي
واسقيك من نهـر المحبـه حلاويـه
واشرب من المرين علقم طواعــي
كله لأنك نبض قلبــي مــخــاويـه
أكيـد تدري بي وبالأمـر واعـــي
وختامها الا الزعل صعب اقاويـه
ما للزعـل يا غاية الــروح داعـــي
|
04-09-2020
عضويتي 
العرض الشجري
