علشان ملقتش فيكم بقلمي الشاعر محمد البهلوان

علشان ملقتش فيكم
و لا طيبة و لا حنيه

خلاص هسيبكوا شوية
وارتارح مع نفسي شوية

علشان مفيش تقدير ولا فيه احترام لكبير
تعبت من التفكير تعبت من دي قاسية

علشان الجرح زاد بقي يجي في الميعاد
بيني والفرح بلاد مش ناوي يزورني شوية

علشان ملقتش فيكم و لا طيبة و لا حنيه



مش فارق كتير معاكوا
وانتم فارقين هنا

سبنوني امشي واسيبوكم
هترتاحوا مني انا

القلب اللي تملي كان حبه واصل وسما
مش قادر علي الحزن كله مش قادر وربنا

عشان مفيش تقدير ولا فيه احترام لكبير
تعبت من التفكير تعبت من دي قاسية

علشان ملقتش فيكم
و لا طيبة و لا حنيه

الحب اديته خالص
رديتوا انتوا بقسيه

واللي في قلوبكم ناقص
فقلبي كتير حنيه

وكل ما اقول عمر الدم ما هيبقي ميه

طبع الخسيس بناقص يبيع الدنيا ديه

عشان مفيش تقدير ولا فيه احترام لكبير
تعبت من التفكير تعبت من دي قاسية

علشان ملقتش فيكم
و لا طيبة و لا حنيه

خلاص هسيبكوا شوية
وارتارح مع نفسي شوية


بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات