كل ما اقول له تعالى بقلمي الشاعر محمد البهلوان

كل ما اقول له تعالى تعالي كلمني

يقوللي لاه لا لا انت اللي مش فاهمني

اقول له تعالي بالذوق متسوقش فيها وتسوق

الدنيا حلوة انت فيها فيها وانت اللي مقاسمني

تعالي بقي كلمني
.................................................. .........................
من صغره وهو لسه بيحبي نونو نونو

وقلبه ايوه هوه معايا ولازم اصونه

ليه في كل يوم بحاله تعبت يا ناس قواله

من غيري يعيش محاله مسكين الله في عونه

بس برده عاجبني

كل ما اقول له تعالى تعالي كلمني يقوللي لاه لا لا انت اللي مش فاهمني

ده حُبه جوه قلبي ساكن فل وتمام

وهو ليه تملي عاشق هجر وخصام

الحب عمله صعبه صعب نلاقيه النهارده

ليه بس كتر المعاندة ونسمع للناس كلام

ما تيجي هنا جنبي

كل ما اقول له تعالى تعالي كلمني يقوللي لاه لا لا انت اللي مش فاهمني

في ميعادنا اه مستني هتيجي تحضر اووام

متغبش في لحظة عني ياما هضرب سلام

ما هو انت عارف قلبي عشقان هيمان في حُبي

طب كل مرة تنسى وتقوللي الذنب ذنبي

انت اللي بتسبني

كل ما اقول له تعالى تعالي كلمني يقوللي لاه لا لا انت اللي مش فاهمني

اقول له تعالي بالذوق متسوقش فيها وتسوق

الدنيا حلوة انت فيها فيها وانت اللي مقاسمني

تعالي بقي كلمني

بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات