اكتب اسم الشاعر واللي بعدك يجيب قصيده لهذا الشاعر

استلم..

البارحـه يـوم الاوادم خواشـيـع=في نومها وناعلى الكـوع واعـي
هم(ن)يمزع سترة القلـب تمزيـع=تقول ينهش ثومة القلـب افاعـي
خذت القلم من بين روس الاصابيع=وحبيت اميز سيرتـي وانطباعـي
عزلت من صدقان عطلةالاسابيـع=وعزلت من ضحك الوجيه الصناعي
وعزلت من بنين بامالي مشاريـع=جميد برد ولانس الشمـس ماعـي
وعزلت من زرع الخلـي البلاقيـع=وعزلت من رفـع الثنيـه رباعـي
من نفعة اللـي ماطلبنـي منافيـع=جميلة(ن)في غير اهلهـا ضياعـي
في اسواقها ماعاد لشري ولابيـع=لخطيت من رفقة طويـل الذراعـي
اللي على الرفقه يسوقـه دوافيـع=هـذاك تشـرى رفقتـه ماتباعـي
امايشجعني على الطيـب تشجيـع=والايعلمنـي حمـيـد المسـاعـي
والا ليامنـه رمعـنـي روامـيـع=وضاقت على كل الفجوج الوساعي
جيته ويسرلي عسيـر المواضيـع=وخلاخفايا خاطـري لـه وساعـي
معرفتـه ماهـي معرفـة طماميـع=ماتنتـج الاالغطرسـه والضياعـي

مطلوب قصيده للشاعر.. احمد الناصر الشايع

سبحان الله امس كنت اقرا له بعض القصائد القديمة

استلم

هل دمعي على خدي نهار الوداع=يوم قالوا بماالله جاني بلاي
التفت والتحضني بالعيون الوساع=وارسل الدمعه اللي زاد منها عناي
خايفٍ من فراقٍ ما وراه اجتماع=يالله اليوم لاتقطع رجاه ورجاي
صرت مثل الغرير اللي بسن الرضاع=اتضيم واصيح اصياح من غير راي
راحت اقدام رجلي في محلي ذراع=ما اقدر المشي قدامي ولا ارجع وراي
المصيبه انا كان الحب والعرف ضاع=ثم زدات اجروحي من خلايب خلاي
مابغي السر من بينه وبيني يذاع=يضرب الوصف دايم في غلاه وغلاي
الهوى له يذل القلب لو هو شجاع=مثل ماردني ترف القدم عن هواي
جعل من لاع قلبي في فراقه يلاع=حيث وصله هوى بالي وغاية مناي
اتصبر ولا ودي يطول النزاع=واكضم الغيض باسبابه وهذا جزاي

احمد الناصر الشايع

المطلوب / ابن لعبون

ابشر
استلم. ياعلي.

ياعلي صحت بالصوت الرفيع = يامــره لاتـذبـيـن الـقـنـاع
ياعلي عندكـم صـفرا صـنيع = سـنها ياعـلي وقـم الـرباع
شـاقني ياعـلي قـمرا وربيع= يوم أنا آمر وكل أمري مطاع
يوم أهلنا وأهل مـي جـمـيع =نازلـين عـلى جـال الرفـاع
ضـحـكتي بينهــم وأنا رضـيع = ماسوت يكيتي يوم الوداع
هـم بروني وأنا عـودي رفـيع = ياعـلي مـثل مـايبرا الـيراع
طـوعوني وأنا مـاكـنت أطـيع =وغـلبوني وانا ظفـر شـجـاع
وجد عيني على ظبي تلـيع = عندكم كن في خده شماع
شـيبتني وانا تــوي رضـيع = جاهـل تو في سـن الرضـاع
سـايمـين الهـوى يامـن يبيـع =سايمين الهوى لاهل الرفاع
وأنت يالايمي جـعـلك تضـيع =ماتمـاري بهـا مـثل الشـعـاع
ودي أسـلاه والـكـون الفـنيع =سلوتي ياعـلي مـاتسـتطـاع
دون مـي الظـبي وأم الوضيع =والثـعــالـب وتـربـيع الـشـراع
وراس ريع دخل في بطن ريع =مســتـطـيل ووديـان وسـاع

الشاعر الامير محمد الاحمد السديري