يهمك تعرف أوضاعي أنا مستانس وطيب

يهمك تعرف أوضاعي أنا مستانس وطيب
أنا مثل البحر تدري يثور وتركد أمواجه





أبد لايزعجك حزن بعيني شوفه يشيب
حبيبي هذا هو طبعي أحب الحزن وأحتاجه



من أول مولدي حتى يجي هالموت ويغيب
عن عيونك عيون اللي عيونك دنيته أبهاجه


أحبك وأدري بقدري حبيب ماني حبيب
أعرف شلون لو يزعل زماني أطلق حجاجه


ورثت من الطنا سيفٍ عظيم ضربه يعيب
عليك الله وأمان الله لوضح كيف منهاجه


وإذا خايف من الدنيا ترى لي قلب يهيب
هموم هما تكسر خفوقي وتكسر أدراجه


وترى مادام لك قلب يحب ومني قريب
وإذا سودت بعيني تصير بليلي سراجه


وغلاتك يكفي بس تسأل عن أوضاعي وأرد طيب
مع إني صدق فـ غيابك لا طيب ولا حاجه