شيلة عن اليوم الوطني
أبدع المُنشد ماجد الرسلاني في شيلة كل القبايل تتفق الوطنية وتميزت كلماتها بحب الوطن:
كل القبايل تتفق بقلوب مليانة صدق _
تبقى سوا ما تفترق في سلمها واقتالها
معها سوا قبضة يمين حضر وبدو متلاحمين _
وكأنك تبي العلم اليقين شفت بالحدود أبطالها
فخر فخر من للفخر غير السعودي لا حضر _
من الطناخة والسطر هموم الأمة شالها
أهل الشهامة والكرم — أهل المبادئ والقيم _
بالعز رفرف يا علم من فوق روس جبالها
في حكم بن عبد العزيز ابي اوصفه وصفً وجيز _
شعبه معه عايش عزيز فخر البلد وظلالها
سلمان سلمان الحزم بأسً وشدة مع عزم _
يخزم معادينه خزم حتى عدوه قالها
أبوك بالقلب العطوف أخوك في كل الظروف _
ولمصحة داره شغوف المملكة وارجالها
يمينه محمد سند كفو (ن) وللقمة صعد _
سموه اوفى بالوعد لا قال كلمة طالها
قايد وذو بأسً شديد ماخذ من معزي رصيد _
معه ابتدى فجرٍ جديد للمملكة واجيالها
المملكة هي أمنا المملكة هي عرضنا _
يرخص لها حتى الضنى ولا يدنس شالها
حنا عيال المملكة نرخص لها ما نملكه _
والبر دربه نسلكه تنعم ببر اعيالها
قبلة لكل المسلمين أمنًا لكل الخائفين _
أرض الرجال الغانمين اللي قوية افعالها
هي مهبط لوحي السماء يا جعل حاسدها العمى _
تعطي ولا تطلب كما سحب انثرت همالها
منها بدى خير الهدى فجرًا عبر كل المدى _
للناس والكل اهتدى بدد ضلال احوالها
بعده نقلنا للأمم اسلامنا بأعلى همم _
حتى بلغنا به القمم ما أحدًا قبل قد نالها
منا أبو بكر وعمر نقدم ولو شان القدر _
بالدين ما نقبل عذر لو نندفن برمالها
بالمملكة خير الرجال ضد الفتن مثل الجبال _
عنها يشيلون الثقال اللى ارهقتها أثقالها
حنا فدى أرض البلد شباب وشيوخ وولد _
حنا لها عزم وجلد لا زلزلت زلزالها
كل القبايل تتفق بقلوب مليانة صدق _
تبقى سوا ما تفترق في سلمها واقتالها
معها سوا قبضة يمين حضر وبدو متلاحمين _
وكأنك تبي العلم اليقين شفت بالحدود أبطالها
يالي ترا يالي ترا رح بلغ اللي مادرى _
أنا على الموت اخشرا من جالها ليا جالها
ندعس على الوجه العبوس ايران واذناب المجوس _
ونجدع من الامتان روس اللى تروم اذلالها
افعالنا تترك صدى حنا بعيدين المدى _
حنا عمى عين العدى لا دندنت حنا لها
نارد على الموت الزوأم أفعالنا ما هي كلام _
حزنا بها كل السنام والكايده نشتالها
الله باكتابه أمر الطاعة لولات الأمر _
والعروه الوثقى بأمر ربي مسكنا أحبالها
نطلبك يا الله القريب أنت السميع أنت المجيب _
اكتب لهالأمة نصيب نصرن يزيد اجلالها
10-06-2021
عضويتي 
شيلة عن اليوم الوطني .. ” مكتوبة + فيديو “
العرض الشجري
