كل درب ٍ منك يتمنـى أثر

انتظرتك بالوعد كلي عتاب
ويوم شفتك صرت انا كلي عذر

صاحبي واللي خلق يوم الحساب
مالقيت الا انت لي منك مفر

لي سؤال ٍ في عيونك له جواب
وفي عيوني من عيونك له قهر

ليه أحبك ؟ وانت لي هم وعذاب
ليه قربك نار وفراقك جمر

ليه أشوف الكون من دونك خراب
ليه اشوف اليوم بغيابك دهر


ليه اصدقك ومواعيدك ..سراب
ليه أكذّب جيّـتك لي وانتظر !!


ظالمي حلـّفتك بـ ربّ الكتاب
ليه كل ماجيت اعاتبك ..اعتذر ؟!


السمـا لاجلك تغـار من التراب
كل نجمة ودهـا بـ ارضك حجر


كل زين ٍ من حلا زينك يهـاب
وكل عطر ٍ وده انك لـه عطـر !


وكل عمر ٍ لك يبي عمره شباب
وكل درب ٍ منك يتمنـى أثر !


الحضور ان غبت غار من الغياب
والغياب ان جيت رافقك وحضر


علّ قلبي لانسيتـك للذهــاب
وعلّ عيني لاسليتـك للسهـر


ليتني مابين كفـّك والخضـاب
وليتني أبعد عليك من القمر


وليتني لك جرح وازيدك صواب
وللعذاب اهديك من عمري عمر


كيف افسّر لك شعوري في خطاب
كيف احسسك بعذابي بالشعر ؟!


كل حرف ٍ لانزفتـه منك ذاب
وكل قاف ٍ لاصرخته يـ نـ كـ سـ ر


صاااحبي .. بموووت من كثر العتاب
إلتفت لي , واعتبرها لك عذر !!

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

سلمت الآكف على جممال الآنتقاء
موودتي

يعطيك العافيه طرح رائع

طرح في قمة الروعة والجمال
يعطيك العافيه

جَلبَ ممُيَّز جِدَاً
وإنتقِاءَ رآِئعْ
تِسَلّمْ الأيَادِيْ
ولآحُرمِناْ مِنْ جَزيلِ عَطّائك