قالت ستي

قالت ستي
وقت الكباب سكروا
الباب
ووقت المجدرة نادوا
للمعترة😂😂😂
اي نعم

قالت ستي
ابن آدم نصو خلقة ونصو خرقة
ويلي ما بتزينو عروقو ما بيتزينو خروقو
اي نعم

قالت ستي
البخيل متل الكديش
بيحمل دهب وبياكل حشيش
اي نعم😂😂😂

قالت ستي...
خدي الفارس
ولا تاخدي الدارس😂😂😂
اي نعم

قالت ستي..
خايف هزك يا غربالي
يوقع منك كل عزيز وغالي😂😂
اي نعم

قالت ستي ...
العشرة يلي هانت
ياريتها ما كانت..!
اي نعم

قالت ستي..
اللي بيعاتب الرخيص
بيرخص😏

قالت ستي
الأصيل أصيل ولو حظو على قدو
وإبن النعمة مبين ولو الزمن هدو
اي نعم👌😉

قالت ستي
مو كل ورد خلق للشم
ولا كل البشر بتنفدى بالدم
اي نعم😉

قالت ستي
قالتلا ياجارة سكبيلي .. ردتلا بكفوفي ولا بصحونك الي ع رفوفي😏

قالت ستي
لا تضرب وتغمق الجرح
مابعد العداوة إلا الصلح
اي نعم😁

قالت ستي
ناموا عندي ليلة
فكروا حالهم من العيلة😂😂😂😂
اي نعم

قالت ستي
بنت الأصل
بتخلي كوخها قصر
اي نعم

قالت ستي
خليكي عند أهلك عزيزة وشبعي دلال
صح كتار الشوراب بس قليلين الرجال😎
اي نعم

قالت ستي
قبل ماتركبي لأذانك حلق روحي ركبي لتمك غلق
اي نعم
😂😂😂😂😂

قالت ستي ...
ماصفي حدا صالح
كل الناس مصالح😉
اي نعم

قالت ستي...
الله يكفينا شر من رحب فينا وهلا
ومن ورانا حكى علينا وما خلا😏
اي نعم

قالت ستي
الغربة متل الحمام العمومي ... الي برا حيموت ليدخل، والي جوا موطايق الريحة 😂👍
اي والله

قالت ستي
شيل الريحانه وشمها
وخود البنت على ريحة أمها😍
اي نعم

قالت ستي...
يلي ألو غايب
بضل قلبو دايب
اي نعم

قالت ستي ...
لا تاكل هم حدا
لأن وقت همك الكل عامل ريجيم
اي نعم

قالت ستي...
الست مالها غير صحتها
لارجال بيشفع ولا أولاد بتنفع
اي نعم☺

شو رايكم بكلام ستي😊

موضوع جميل
سلمت الايادي

طرحَ عَذب ..!!
أختيآر أنيق وحضور صآخب
سلة من الوردَ وآنحناءة شكر لسموك

سَلِمت الأنَامِل المُتألِقة لِروعَة طَرحهَا
دَام العطَاء والتَميّز المُتواصِل
لرُوحك السّعادة

طرح جميل
يعطيك العافيه

سلمت كفوفك لطيب الجهد
وَ تمُيز العطاء
لاحرمنا الله روائِع مجهوداتك