يا ناقد الشاعر تمهل على الهون

يا ناقد الشاعر تمهّل على الهون
قدامك طويق الشعر ما قويته

والنقد له مبدا وقيمة وقانون
وإن كان جاني من خبير ارتضيته

ما هو كلامٍ قلت والناس يحكون
في نقدك اللي دون معنى حكيته

تعال يمّي قول ما هم يقولون
عشان افيدك يوم علمك لقيته

والنفع متبادل بلا شك وظنون
كم واحدٍ جاني بحاجة وجيته

بس البلا من كل حاسد ومغبون
اللي تبلّاني وأنا ما بليته

أحدٍ يشجعني على كل مضمون
وأحدٍ يهدّم حلم مبطي بنيته

أرقى مع اللي للشواهيق يرقون
والدرب مهما كان عسرٍ مشيته

وأطلب من الله دايم المد والعون
ولا فيه من خلق الله اللي رجيته

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

منورين بمروركم العطر

شكراً لك من القلب على هذآ المجهُود ,
ماأنحرم من عطـآءك المميز

منورين بمروركم العطر

-





يعطيك العافيه يارب , ع الموضوع
دمت ودام ابداعك ف سما عشق ...