وين انت يالي كل ماغبت عنى

وين انت يالي كل ماغبت عنّي
احس نفسي فاقد ٍ كل حاجه

كنك النعاس لجفن عيني وكنّي
اطلب لجفني مع نعاسك مواجه

ابتمنى لو مافاد التمني
حتى يجي للسيل منك اندراجه

الى متى والحظ معك امتدني
والا مع غيرك يولع سراجه

واطياف زولك لأقبل الليل جني
ياقوم حتى الطيف ماصعب مزاجه

وانا امتهني دامك انت متهني
مع مزاجك للضمير اندماجه

مانيب بمن هو من فضاوه يغني
اللي يضيّع صيدته في عجاجه

انت الوحيد الي بهمه شغلني
لو هو مرض ماني مدور علاجه

لنك على شفي وذوقي وظني
والناس كل ٍ عارف ٍ وش خراجه

بس الوكاد ان العذر دوم مني
اصبر ولا كني اشوف العواجه

غلاي لك عن رغبتي ممتحني
بيني وبين منازعك تقل صاجه

عجزت اجامل ناس واضحك بسني
يامن على الاحساس حكّم سياجه

ارجع يامن هو كل ماغاب عني
احس نفسي فاقدً كل حاجه

سلمت يدآك..
على جميل طرحك وحسن ذآئقتك
يعطيك ربي ألف عافيه
بإنتظار جديدك بكل شوق.
لك مني جزيل الشكر والتقدير...
..}~ مودتي

طرح قمه الروعه في والجمال
سلمت اناملك ويعطيك العافيه علي مجهودك
في أنتظار المزيد
من عطائك والمزيد ومواضيعك الرائعة والجميله
ودائما في إبداع مستمر

-


يعطيك العافية للجلب
في انتظار جديدك المشوق
ودي.~

يعطيك العافيه على هذا الابداع
سلمت يمناك ولاعدمنا جديدك المميز
لـروحك حدائق من الجــوري

-












سلمت الأيادي ..
ويعطيك العافية لـ جمال الآنتقاء
لروحك آكاليل الورد .