يا وجهي اللي مل والعذر العيون
وحدّب الظلوع اللي من عروقي خلو
طالبك لا تحكم على عمري بهون
لو طالت الفرقا و هُم عقبي سلو
صبري على نفسي اذا هم يحسبون
ماهو بشاشة روح لكنه غلو
ياما تمادى في الجروح وفي الطعون
يأمر على قلبي وطبعي له حلو
يوم الوله والشوق والدل الحنون
مع كلي اللي يرتمي له من علو
ياصاحبي خبري على دمعي تمون
جفت محاجر هالعيون اللي ذبلو
يومك تحلفني على الفرقا نكون
مثل البدو أقفو ورى الغيم و جلو
لو كان مثلك ماهقا يقدر يصون
يوم العطش خانت رشاتك فالدلو
ياصاحبي سلمتني لخيل الظنون
ماهكذا تورد علي بأبلك ولو
من رحت عني والزمان أشبه يكون
رجل خذاه الموت والناس زعلو