جــــــــــــــــروح وكحــــــــــــــــــــه

جــــــــــــــــروح وكحــــــــــــــــــــه
,,,,,,,,,,,,,,,,,,,,,,,,,,,,,,,,,,,,,,,,,,
اوجرت بيه وتريد اذكر هـــــــــواك
ولك هاي اجروحي رافكهـــه النزف
شلون اذكرك كلبي يمعـــــــود نساك
انـــــــي وي طاريك ضيعت العرف
تشوف بيه اجروح صلفـــــه وماتنام
وهذي منك حالتــــــــي الماتنوصف
تريد ما انسه ولك اكبر حــــــــــرام
واليخون العشره لتسمي ولـــــــــف
الك اكرب لوتمد ايــــــــــــد السماك
تدري مــــــن اولاك صدك ما اعف
هــــــــذا خنجر غدرك بظلعي يبات
وناي حزني بروحي اسمعنه ايعزف
شلون اصبر كل كتر بيه يلــــــــوج
وياصواب الــــــــي اصل يمه كلف
بيه كـــــــل اصواب يحمل ذكريات
كبل مــــــــــا نشده يصيح ويعترف
شرد اعدلك صارن اهواي الجروح
ولــــــــــو اصيحن اه افزعهن الف
مــــابعد عندي حجي وضاع الكلام
هـــــذا حظي بعشرتك وك ياصلف
انته طبعك ماتغير هــــــــــــو ذاك
داخلك سلايـــــــــه والظاهر ترف
يلي تتسله بعذابي بكـــــــــل برود
مربع اخذ حكي منك مـــو ضعف
حته عبره اتصير الك بلكت تتوب
واليخون العشره حتمــــــا ينعرف
جسر للطيبين سويت الظلـــــــوع
وانته تعبر عليـــــــه بيك ايخسف
هــــــــذا حدك لاتفززهه الظنون
وانه بحر من الوفه ولا مايجـــف
جوه اباطي تفوت تخشخش تريــد
لاتظل ويـــــــــــاي ادور وتـلف
روح دور غيري ماظلك مكـــان
والخيانه البيك ماظــــن تنوصف
اليسد ماي النهر مــــــن السدور
شلون ماينشف ولك ماي الجتف
بدلت كلبي الجنت تامر عليــــه
هسه كلبي العندي كلش يختلف
,,,,,,,,,,,,,,,,,,,,,,,,,,,,,,,,,,, بقلَم... الدغاري...
الى صديق خان العشره

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

طرح جميل ومميز
سلمت يمناك ع الانتقاء
لاحرمنا الله من عبيرتواجدك
دمت بسعادهـ بحجم السمآء
لقلبك طوق من الياسمين

الله يعطيك العآفيـه ,
وسلمت يدآك على النقـل ,
شكراً لك من القلب على هذآ العطاء ,
لقلبك السعآده والفـرح ..
|‘,

.,






طرح قيم

سلمت

آختيَآرَ جَميلَ جِدآ
سَلمتَ علىَ هذهِ الآطَروحهَ الآنيقَهَ
وَسَلِمتَ يُمنَآك المُخمليِهَ لِ جلبهآ المُتميزَ
جَزيَلِ شُكِريَ