الشوق يمّـك بـلا عنـوان ودانـي

وجه القمر يختلف في نصف شعباني
نوره يفجّ الغسق في منتصف ليلـه
يا بنت زاد الخلل واهتـزت اركانـي
يا بنت قلبي تولع مـا بقـى حيلـه
يا بنت قلبي عطيب وجـاك مجانـي
ما له هدف غير تنصت له وتوحيلـه
الشوق يمّـك بـلا عنـوان ودانـي
ياويل ويل الخفوق من الغـلا ويلـه
يامهرة ترتشـف قاعـي وميدانـي
يوم السبق كل فارس هيبتـه خيلـه
وردك شكا للجناين زحمة اغصانـي
واشكي على راوي الخيطان وابكيـله
القلـب نـوّخ بديرتكـم وخـلانـي
ردوه ولاّ عطونـي رابـط ايميـلـه
الحزن خيّم ودمـع العيـن غدرانـي
خـدي تبلـل منـه وابتـلّ منديلـه
لو شفت قلبي من القسوه وماجانـي
فزّيت وقت الخشوع وقمت تدعيلـه
من شرب كاسي وذاقه ردّ يظمانـي
واللي روينـي حنانـه زاد حبيـلـه
هجير حبك وجمر العشـق يصلانـي
ما ينفع الشرح عيب الشرح تطويلـه
دوّر حنانـي بنبضاتـك وتلقـانـي
يمكن حنانك يفيض وينتشـي سيلـه
الوقت وافي خذالـك لكـن اعطانـي
واوفيت قلبك وقلبي منـك باقيـلـه
ما همني مـن يعاتبنـي ويزرانـي
ما يعرف الحب واصنافـه وموديلـه
بالطايلـه والعزايـم مـا تعـدانـي
ما حيلته غير قـال وقيـل توصيلـه
اجر صوتي بحبك واعـزف الحانـي
طرقه حجـازي وبالونّـات ترتيلـه
حبك قريحة مشاعر تبنـي اوزانـي
ما غيرك اروبـع القيفـان وابنيلـه
سارت حياتي قضيّه وانتـي الجانـي
اصدر خفوقي قرار وصعب تعديلـه
شوفي قراره بصفحة ليش هجرانـي
ما ينفتـح كـوده إلا بعـد تحميلـه
الكلمه اللي هدفهـا فيـك تنصانـي
وانا بعد مـا يجينـي فيـك تمثيلـه

Ammar معجب بهذا

كلمات قمة الروعة والاحساس ومعبرة جداً
تسلم الأيادي التي ابدعت في اختيار الكلمات
تحياتي

اسعدكم ربي على روعة الطرح وجمآله انتقاء رآئع بروعتكم ربي يحميكم لآخلا ولآ عدم يآرب منكم ومن روعة جديدكم المشرق عطائكَم ممُـيزٌورائعَ بَآقَآتْ مِنْ ألجُورِي تُعطِر أنفَآسكْم..~ يسلموآآآآآآآآآآآآآآآآآآآآآآ القيصر العاشق البـ مديح آل قطب ـــرنس

طرح رائع ومميز
يعطيك الف عافيه

يعطيك العافية على جمال طرحك
طرح رائع ومميز واختيار موفق
سلمت يمناك لرقي وتميز طرحك
بانتظار جديدك القادم
و دي وجنائن وردي لروحك

-


كلمات رائعة جدًا
شُكرًا على جمـال طرحك المميز
لا حرمنا الله من إبداعك المُستمر
و الله يعطيكِ الف عافيه .
لك