ما أبغى منك كثير
لا تردّي السّلام
لا تشرحي لي أسبابك
بس قفي وخلي نظرتك تمرّ عليّ
ولو من بعيد
أنا يكفيني إنك تمرّي زي النسمة
أرتّب أنفاسي على موجة سكاتك
وأعيد برمجة روحي
على نغمة عيونك
تدرين
صرت أحب الأماكن اللي مرّيتِ منها
أقعد فيها بالساعات
أستنشق فيها طيفك
وأحس إنك بتطلعي لي من زاوية ما
بنظرة
بابتسامة
أو حتى بسكوت
كل اللي فيني يقول
اشتقت لك
بس ما أقدر أقولها
لأني عارف إنك يمكن تناظري وتروحي
وأسير أنا وحدي أجمّع بقاياي من بعدك
يا بعد عمري
فيك شي ما هو بس جمال ولا صوت
فيك دفء يطيّب الخاطر
وفيك سكون يعلّمني كيف أهدأ
وسط الضجيج
ما ودي أكثر الحكي
ولا أبي أوصلك بحروف مستعجلة
أنا بس أبيك تمرّي
تمرّي زي الحلم اللي ما ينقال
بس يُحس
قلمي
آخر تعديل الملاح يوم
منذ 20 ساعات في 09:20 PM.
20 أعضاء قالوا شكراً لـ الملاح على المشاركة المفيدة:
منذ يوم مضى
عضويتي 
اشتقت لك
العرض الشجري
