رددي يا حروفي للقصيد الصدى

رددي يا حروفي للقصيد الصدى
وانتشيني معاني واسلكي كل واد

ياعلي من قصيدك كل جرح ٍبدا
والسعاده جفتني وانزوت للحداد

كيف بوصل مرامي وسط بغض العدا
والمسافه طويله حالكه بالسواد

جاوز الصبر حده ما لقيت الهدى
والبلاوي لقتني بخيلها والعتاد

اثخن الحزن فيني لين عدا المدى
وكل وقتي قلبته ضد حزني جهاد

احترق بي خيالي لين شفت الردى
وش تفيد الاماني يوم تغدي رماد

ضاعت احلام عمري في سنيني سدى
وقصر الحظ عني واعتراه العناد

كابر الوقت مدري ليه ضدي غدا
بعد ما كان صاحب في ضروفِ شداد

قلت شعرك وردد في خفوقي صدى
وما نروم المعالي غير بالاجتهاد