ابي احرق حروفي

ابي احرق حروفي
واسكنها داخل حقوقي
لا تصيح وتنطق احبك
ابي اقتل الدمعه
لا رفرفت في عيوني لمعه
من كثر شوقي لك
ودي اسافر بعيد
واترك قلبي هناك
وارجع اشوف عيونك
لا مابي اشوفها
ودي انسى عيونك مع قلبي .... واهجرك
ودي ابكي ولا ابي احد يحس فيني
حتى انت يا ساكنٍ فيني
ابي ادمر احساسي
واقله اسكت
ما بي حروفه بأنفاسي
والمشكله لانطقت اسمك
احس بحروفه داخلي تسكن بجسمك
احس اني لا بغيتك
اكذب على روحي ما بيك
واقول لا ودي فيك
ودي بشعور يهز كياني
ينفض ذيك الحروف
ذيك الدموع
ذيك المشاعر .... ويضمني
ابي اسافر بعيد
واترك روحي هناك
ما بيك ما بيك
بس المشكلة لا جيت
انت وين؟
انت هنا في ضلوعي
في دمي وشعوري
انت في حياتي حياتي
وش بعد ما بيك
الاَّ ابيك غصب وارتجيك
واعشق عرشت اديك
ورجفت شفاتك لا ناديت
تدري حنيت ... واعترف
اني بدونك ماعيش
اشلون اعيش وانت الحياة
تدري لو اكون سكون
وأنت صمت ذاك السكون
منهو يقدر يفرقنا
تدري لو اكون عيون
وانت نظر ذيك العيون
منهو يقدر يفرقنا
تدري لو اكون جنون
وانت عقل ذاك الجنون
منهو يقدر يفرقنا
تدري اني لو بديت
وياك ابد ما انتهيت
تدري اني اعشقك!
وفي الاخر سؤال
وش تسوي هالحياة؟
وانت كل الحياة كل الحياة

بقلمي
سحايب نجد