لاتظن اشكي غرامك وانته اقرب مالهدب

آه من صوتك حبيبي دوم يوحي بالتعب
كان هذا الشوق صابك فعلم انه ما نسيني

دام صدري موطن ٍ لك وش جنيت من الغضب
ماتغير منزلك في داخلي دامك ظنيني

ماعلمت إن الهوا سوا في الخافق لهب
لين ِ صرت اشعل قناديل الغلا بينك وبيني

المسا معتم ونور البدر غطاه السحب
مير نورك ياملاذ الروح في قلبي وعيني

من تعلق في حبال الحب يخسر ما كسب
واقعي علمني ان الحب عمله تهتويني

كلما حاولت اخفف مابقلبي من عطب
مالقيت من الفضا ياناس شبر يحتويني

لاتظن اشكي غرامك وانته اقرب مالهدب
ولاتظن اخطاك تقصر وأنت باقي في يديني

القلم د نق ودون وسط صفحاتي كتب
قسمة ٍ ربي كتبها ما بها عيب ٍ وشين ِ

قولها بالله أحبك ودي اسمعها طرب
واترك الخافق يردد مثلها دامك تبيني