يا جمهور الشعر

بهذا الكفي والشعر نوع من التصوير
ياكم حلم عاش ومات على كنباته
عطوراته البن والاوادم وجلد الطير
تخيل من البن والاوادم عطوراته..!
ونوادله من غير ابتسامه ولا تكشير
من اخذه الى هاته الى اخذه الى هاته
موسيقاه صخبه والصخب ماله اي تفسير
يبون الخجول يسولف بعالي اصواته
بجاماته الشمس تسلق ضحى وعصير
كأن خارجه جواه من صفو جاماته
جلس شاعر الدنيا وخلا الحياه تسير
يبي يشوف كيف تسير من غير خطواته
هذا الشاعراللي عاش عمره على التعبير
وصل مرحله زعلان سمعه من سكاته
خذا كل مافاته من الحب والتقدير
لحتى غدا مستقبله كل مافاته
يغمض شوي شوي من شدة التفكير
كره واقعه يبغى يعيش في خيالاته
على ذاكرة عينه لامريت ي الشرير
يغمض يبي نظراتك تشوف نظراته
شفه مثل جسر بقلب ميت وذكرى ازير
تمر الصوايد ماعطاها تلفاته
حضن صدره بيده وكن في ضلوعه طير
ماهوب خايف من البرد خايف من شتاته
شرب قهوته وبقا على ربعه الاخير
كأنه يخاف يخسرها مع خساراته
ونا لو اخسر الناس ماحس بالتغيير
يخسر الرجل في حال خسر ذاته
ياجمهور هذا الشعر والسحر والتاثير
لهالشعر حاجاته وللرجل حاجاته
على الشاعر الرحمه وللشاعر التقدير
يقدم حياته في مقابل تحياته
ياللي من عرفتك ونا ماغير
اغير بقلبي لين شابت غياراته
احبك ولوماعادك تحبني لاضير
انا احب حبك كله بكل حالاته


سعد علوش .

تسلم الايادي

ودي لك

رائع ماتقدموه من ابداع جميل
ننتظر المزيد منكم
لكم مودتي

حرف مميز

لاهنتي

تسلم الأيآدي المخمليه ,
لــــــ روعـة ما نقلت
بِ إنتظآر جديدك آلعذب وآلمميز ,
خآلص ودي وتقديريِ لك

كلمات رائعة وذائقة مترفة..
مطرزة ببديع الحرف..
ذائقتك راقية وجميلة..
سلمت يمين تنبض بالجمال..
لك خالص شكري وتقديري
لروعة وجمال ما قدمت لنا