فوبيا

فوبيا
- خوفتني؛بعد ما عندي شجاعة اشتاكَلك حتى من اريدك!
يالتفاصيلك چذب بدنيا غيري يطيح بيهن
مثل ماطاح العُمر گطره على أيدك

خوفتني؛ خوفي من الصوت ما فاركَني ليلة،
الصوت من كَد قوته يبعد واحس روحي اجيله!

لو تسمعه

جا عرفت شسوه بيه

لو تسمعه جا خفت مثلي وبقيت سنين

مو وياي بيه

خوفتني

وخوفي من باب گلبي

خاف ينسد

والك جيه

وخاف افتحه وكلشي بالدنيا عداك يمر عليه

فوبيا البيبان

من ماودعتنيي

بدت بيه

فوبيا من كلشي غيرك

لا اتمناهن لغيري ولا اتمنالك تعيش الجاي اعيشه

اني احبك

والافكار الجاي يجبرني عليها الليل كلش خوفتني

جاي احس بروحتك مو الاوليه

جاي احس جاوبت بيها سؤالك من ردت معنى الاذيه

جاي اخافك يا اماني

اني خايف ذكرياتك تحتكرني

وما تخليلي فراغ لشخ ثاني

العمر عندك حبيبي

شلون خليته ويه قمصانك لاحبهن

الجاي اعيشه الله لا حطه ويا عمرك

جاي احس بس وايام الناس كلها دفعه وحده نچفت بيه

جاي اعيش الماتمنالك تجي

وتشوفه بيه

جان ممكن نبقه بس مارهمتلنه