نسامح منك يا دار تعاتبني وانا مخطيت

نسامح منك يا دارٍ تعاتبني وانا مخطيت
على تركي مكانٍ راحت ازمانه وايامه

تزوّد فيني اللومه على اني بالعتب عديت
تطوّر فالبلد عمران ماني سيد اقوامه

يصاحب عشرة سنينٍ بَذكِّر فعلةٍ سويت
على مطره من السيل المبارك سالف اعوامه

على مرّ السحاب نخاف نضْحِكْ ماه لا صبّيت
من السقف القديم اخشاب أثلٍ مالهِ ادْوَامه

بحورٍ لاطمه بارضك سبايب فرجةٍ فتيت
اشيل الفرش كله راطشٍ بسطه ومنوامه

تطيح الحية السمرا بحجري بالمساء لا ركيت
وتمسك طارف ثيابي بمخنق زايد اشوامه

علاما ذا الحنين اللي سمعته منك يوم اقفيت
تواري حبك الخافي وجسمك راسم اكوامه

اقول اليوم نمشي عنك لا ني ناسيك يا بيت
واقول الحمدلله يسر التطوير قوامه