تلهمني الذكرى تعاليل واشعار

تلهمني الذكرى تعاليل واشعار
ان جيتني ياشوق وقت المغيبي

انسج ظلوعي للشعر لحن واوتار
واسهر مع بوحن يطفي لهيبي

وافجّر اشواقي ينابيع وانهار
واروي ضما بوحي بنظرة حبيبي

في جوفي الي له من الروح تذكار
قلبن بدون البوح يمسي صويبي

لي متى كتم الهوى والهوى دار
والوصل طبن والتلاقي طبيبي

لي متى نكذب ونستخدم اعذار
عمر الشباب ماعاد بعد المشيبي

هيا اورقي يغصان وادلي بالزهار
مادامني لك كون فاسح رحيبي