أعـاهــدك مـااقــول غـيــر آمــــر وســــمْ

قبل الغرام وقبل مااصير .. مغليك
أعاهدك مااقول : غير ..( آمر وسمْ )


حتى لو إنك قلت : برحل .. وأخليك
بقول لك : تامر على ماتبي .. تمْ


رايح أكون إنسان .. يفهم مباديك
أشاركك بالضحك .. والحزن .. والهمْ


مهتم بكْ .. وأغلي بعد من .. يخاويك
ومن لايهمك ماني ب فيه .. مهتمْ


بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ


وإنْ جاك نوم .. رموش عيني .. تغطيك
غمض عيونك وسط عيني وثم .. نمْ


وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!


أبيك تسرقني .. لروعة مراسيك
وأموت بك موتة غريق ٍ .. وسط يمْ


أبيك تدرك يوم انا جيت أماشيك
قصدي تكون أقرب من .. الخال والعمْ


قصدي تبعثرني .. اليا مر طاريك
وأحنْ لك .. وأجيك .. ملهوف ل اللمْ


قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ


وأضيع في شعرك .. ودافي أياديك
وأذوب بالوانك .. وروجك على الفمْ


أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ


لكن ..!! لو إنك قلت : برحل وأخليك!!
بقول لك أبشر .. على ماتبي .. تمْ

سلمت يدآك طرح جميل
ننتظر جديدك بشوق
يعطيك العآفيه

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

-




يعطيك العافيه يارب , ع الموضوع
دمت ودام ابداعك ف سما عشق ..,

سلمت آلآكف ومآنقلت ..
لــ قلبك آلسعآدهه .

سلمت اياديك
وَ يعطيك العآفية ع المُتابعة
بِ إنتظار المزيد من عبق عطآءك
لروحك إكليل الورد ..!