فــي غــيابك مـافقدت الا (أنا) !!

فــي غــيابك مـافقدت الا (أنا) !!
.....
واتعلم في غيابك
كيف أصبح جزء ثابت من حضورك
واتلذذ بـ ارتكابك
طيش,طيش..
ماكني إلاجوع كافر
وانتِ لقمة عيش!!
وتسأليني ليش؟
لإنه ايقظني مرورك....
....فوق رفضي من سبات التجربة بـ(شويش)
وقلت: أحبك
قلتِ:ويش؟!
قلت:أحبك ..
...كنت احاول انفض غبار الكلام المهمل فـ(صمتي)..
وادور بين فوضى الحزن عن درهم وقايه من بكائي..
..واستمريت فـ(غبائي)..
وقلت:أحبك
قلتِ: لا تسرف في اعلان انتمائك..
لأني ماقررت احبك بشكل يا(أحمد) نهائي..
..واستمريت فـ(غبائي)..
وقلت:أحبك..
قلتِ:لكن أنت فاشل في احتوائي!!
....وتساقط ريش...
من اجنحة قلبي...
وتناقصت اشيائي...
وقلت لك:بعد ايش؟!
واذكر انه جف ثلثين اخضراري..
وثلث قاوم اصفراره..
بالتشبث في جذوره..
واختنقت وماعتقت إلا. زراري..
من تفاصيل العباره..
لين أرهقني نفوره..
وقلم المشهد أظافر اعتذاري..
وسلت من جرحي بـ(غزاره)..
وانزويت فـ(ركن)عوره..
وارتبكت..وكنت جاهز لـ(اختصاري)..
ـ رغم اسهاب الخسارةـ
في ملامح كل صوره..
وقلبي المؤمن تماما بـ(انتصاري)..
انهزمت فـ(عقر)داره..
رغم اتقانه لدوره..
واقترفت من الغبن موت اضطراري..
فوق اكفان المرارة..
وانفجرت بدون ثوره..
....وتساقط ريش...
من اجنحة قلبي...
وتضاعفت أعبائي...
وقلت:أحبك..
...حتى لوفكرة غيابك حاولت إلغائي!!
.....