في داخلي يا شوق لهفه عظيمه

تاخذني الذكرى مع الليل واجيك
في داخلي يا شوق لهفه عظيمه
اعيش كذبه في سعاة لياليك
ذيك الليالي الماضيات القديمه
ارحل عن الواقع وازورك والاقيك
واضم طيفك وسط روح سقيمه
اهنا معك يا بعد عمري واهنيك
وانسى معك ذل الزمن والظليمه
يا حاضري نفسي شفوقه لماضيك
ذكراك باقي بالضماير مقيمه
احب طيفك كثر ما احب طاريك
احب هرجك والنوايا السليمه
احب فيك الحب والقلب يغليك
غديت بعدك في حياتي يتيمه
احتاج لك بالضيق ودي أحاكيك
نفسي اشتكي لك هالجروح الاليمه
يا بعد عمري كل ما بي يناديك
فرقاك عندي للسعاده هزيمه
عجل على قلب حياته بياديك
ارجع وخلك عن عذابه نديمه

يابخت شوق ويابخت القصيده بوحده جميله
مثلج صج صج بدعتي ياجميله
حبيت القصيده وايد وايد
استمري على هذا العطاء
ويسعدني أكون اول من يرد

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

منورين

سلمت اناملك على الإنتقاء
دمت بسعادة بحجم السماء
لقلبك طوق الياسمين

انتقاءك جميــل
يعطيك العافيه يارب , ع الموضوع ! دمت ودام ابداعك
ودي