كم سقاني الويل هجرك والحسيف

آه يامن يشتكي فرقا الوليف
ساهرٍ يوم الخلي بالنوم طاب

الوله والشوق مدعنه كليف
مالهوى مفيوع ماحصل مثاب

ياحبيب القلب خلك بي لطيف
ماتحمل هالشقا يكفي عذاب

كم سقاني الويل هجرك والحسيف
واحرمنيه لذ قوتي والشراب

دومي الوصلك انا خلي لهيف
مايعيض الصبر لا طال الغياب

شوف حالي كيف منحوف وضعيف
يكفي امن الهجر يانسل الاطياب

روفبي خفف من اعواقي بكيف
خذني ابعقلك واحسب لي حساب

مزةٍ من ريجك الصافي النظيف
تبري العلات من قلب المصاب