بعد لا تشتهي كلشي
بعد لا تشتهي كلشي
حاول تقنع ابأي شي
الدنيا اتبدلت وياك
امشي اشلون ما تمشي!
:::::
المقصدهم يرخصونك
احذر لا يشوفونك
اتبين دمعة بعيونك!
اتبين
دمعه
بعيونك!!
إذَ المنك صفوا شمات
حاول تحبس الدمعات
مثلي ابتسم للطعنات
حابس دمعتي ابرمشي,,
وبعد لا تشتهي كلشي!!
:::::::
البشر تتكلب اطواره!
مثل الدنيا دواره @
أبد متصيرله جاره
أبد
متصير اله
جاره
كالولي نطيح اوياك
لمن ما وكعت اهناك
صار الجوبي هاك وهاك
ركصتهم على نعشي,,,
بعد لا تشتهي كلشي!!
:::::::::
إذَ اتحس الوكت ذلاك
المن لازم ابدنياك
هدها وانته روح اهناك
هدها
وانته
روح اهناك
رايح تلكه أطيب ناس
يفهمونك امن الاحساس
ماعدهم بشر ينداس!
ولا علمصلحه يمشي!
بعد لا تشتهي كلشي,,
حسين االساعدي
|
01-30-2022
عضويتي 
العرض الشجري
