☆•° حافظوا على لهفة المرة الأولى°•☆

حافظوا على لهفة المرة الأولى

الشعور يلي بينكسر جوّاتك اتجاه شخص , أعذار الدني كلها مابتقدر تجبره وترجعو متل أوّل ..

اللهفة يلي بتنقتل فيك ببرودة الرد مستحيل ترجع تعيش بشوية اهتمام متأخر ..

الكلمات يلي كانت ببالك وغصّت بالخيبة مابترجع تنقال بنفس الشغف الأول ..

اللمعة يلي بالعيون بس تنطفي ، حتى لو ضوّت مرة تانية بتبقى لمعتها باهتة ..

الإهتمام يلي بيجي بعد عتب ، مالو قيمة ولا إلو نفس البهجة ..

التمسّك يلي بيجي بعد طلب ما بكون إلو نفس التأثير الحلو ع القلب ..

الضحكة إذا اعترض طريقها خنجر كلمة قاسية بتنقتل،

الضحكات والنكات بعدها بتصير بلا نفس ..

السعادة الناقصة بتتحوّل لغصّة حملها تقيل ع القلب ..

كل المشاعر الطالعة من القلب بتكون بالمرة الأولى غير أحلى ، وأصدق
وبس تصطدم بحاجز وتنكسر ما بترجع وإذا رجعت بتكون مشوّهة ..

لذلك حافظوا على لهفة المرة الأولى