يخنگنه الـهوه من يطـب ريتـنه

هالتعبنه والتعب واصل لصابعنه
نوصل بابهم والعجز يمنعنه

تـعبنـه من النفـس من الـهوه الجذاب
يخنگنه الـهوه من يطـب ريتـنه

هـواكم مختلـف لمن يهب مغـشوش
موذاك الگـبـل يحـيينه لو مـتنه

هـواكم بي بـنادم لا تـعب لا جـاع
ماخذ گاعنـه وماخـذ افلاحـتـنه

مايـتهـنه بـيـكم حگـي منـفوسـين
وعـساههه اتبـين بكل يـوم حـوبتـنه

نـتـيه بـيتـنه لـمن نـرد نـحـتار
نسأل بالـسكـاره وهـيه دلـتـنه

مـو جـنـه گبـلـكم ناس مـهيـوبـين
بس طالـت اديـكم حـيل ذلـتنه

ضعت بمرايتي كلساع اجيهه بلون
ما تعرفنـي كَامـت حتـى ديـرتنـه

ما افـزن بـعد لـو مو قـطار يـفوت
تاخـذنه المگـابر يـرد بـينه المـوت
يشـيعونه ونشـوف بعيـنه التـابوت
ونـرد عـدلين للحـيرة ومـصـيبتـنه
.
.
.
لــ فاطمة الجياشي