ويش أنت سويت يا الغالي على شاني!!

ويش أنت سويت يا الغالي على شاني!!

سويت الغالي شاني!!

ويش أنت سويت يا الغالي على شاني!!
.................. ويش أنت سويت يا أغلا من تمنيته!!



كبر الخطا اللي لفاني منك بلعاني؟
.................. وياكبر شين جرحني يوم سويته



أبغا أتلاحق خطاك وبس ما أمداني!!
.................. من عقب كل اللذي في القلب هديته،،



خطاك كم مرتن للموت وداني
.................. وكاس الخطا من يدينك ليه صبيته؟؟



خطاي في شوقي اللي هز وجداني
.................. وخطاك كم مرتن لرضاك عديته



بليتني ماهقيت أنك بتبلاني!!
.................. وأنت اللذي لابلاني الهم ناديته



أسمك ليا من نطق به طارف لساني
.................. لو أن مر القصايد فيه حليته



كذبت نفسي وأدور عذر للجاني
.................. مجني علي وأن طلب من روحي أعطيته



يحلف براسي وأنا صدقت ماجاني
.................. لاشك عقلي نصحني بس ما أوحيته



يقول لي لاتصدق قوله الثاني
.................. وأقول له عذري أني صدق حبيته



شاقول لأشواقي اللي فيك تنخاني
.................. وشاقول لدمع الأزرق يوم هليته



وادعني بزلته وأقفا وخلاني
.................. لوه تعذر وبرر كان ياليته



يمكن يدور عذر لوجاه ماجاني
.................. وأنا لو أني مكانه كان سويته