احبج لان شخصيتج قوية - غزل مكتوب

احبج لان شخصيتج قوية
ومحد يحجي كدامج علية
من دون البشر بية تعيشين
لان طبع الجسد يحتاج رية
تسدين بحياتج كل الابواب
وتفتحين الكلب لو بية جية
متقبلين ربعي بية يحجون
تغارين إعلة اسمي من الهوية
وانا جازيتج وبجيت العيون
وخليتج بشر مكسور خاطر
تكليلي العرس بالجامعة نسوي
وزفيتج بغبشة إعلة المكابر
ضحكتج جانت اغنية عصافير
كلمن كتل ضحكة انسان كافر
من تقرين جنتي وياي تحجين
واكلج خل حجينة نكملة باجر
ومن عفتج تغير كلشي بلروح
صرتي انسانة متعوبة وتكابر
وهلج كالو كتابج خاف مشكوك
لكو دمعاتج مغركة الدفاتر