شاي وجكاره وجذب
شاي وجكاره وجذب
واشتغلت الغيبه
.
ماسلم منها نسب
كل واحد انعيبه
.
لو خلصينه العرب
بالأفك والريبه
.
للعجم نسلك درب
ونعيب كل هيبه
.
ننبش الميت غصب
ونجر شراشيبه
.
لازم نحمله ذنب
بالطاري ونجيبه
.
للنفس صورة محب
بس بالأصل ذيبه
.
نعتقد احنه الذهب
وكل البشر خيبه
.
ونعتلك نار وغضب
للجابنه ابعيبه!!
.
وَعد المنيه كِرَب
لتكول مَدري به
الراس كله انعطب
وتغطه بالشيبه,,,
بالقبر لازم تطب
وتشوف تعذيبه!!
.
لنار تصبح سبب
يل ما إلك طيبه!
.
اهناكَه والد لَهب
شاركك بالخيبه
.
يستقبلك بالعتب
هو ومعازينه,,
.
ومرته حمالة حطب
والطبخه تشريبه!!
حسين االساعدي
|
04-13-2022
عضويتي 
العرض الشجري
