مكانك مكانك لـ الشاعر طلال الرشيد

أموت من فرقاك .. و أموت بلقاك
وأموت من جورك .. و أموت بحنانك

كلٍ قضاه يموت مرّه .. و يفداك
و أنا أموت ألفين مرّه .. عشانك

أذكرك.. لا مني نسيت إني نسيتك
أنساك .. لامني ذكرت نسيانك

رضيت أنا بالهم لرضاك مرضاك
و ارخصت لك قلبٍ جرحته .. وصانك

أجيك في صدري عتاب .. و أبجفاك
و أرجع ألوم الوقت و أقول خانك

أحب فيك .. احساسي إني بلاماك
في عز خوفي منك أحس بأمانك

عجزت أفرق بين وصلك و فرقاك
ياللي عطيت الناس بيدك عنانك

مر تجيني لين أقول إني إياك
و مر تروح بعيد و انسى أوانك

أقبل و تقفي .. و اعتذر عن خطاياك
و أقول ما عييت .. عيا زمانك

و إن خانتك دنياك .. أو خنت دنياك
إرجع و تلقابي .. مكانك.. مكانك

-
















سلمت الأيادي ..
ويعطيك العافية لـ جمَال الآنتقاء
لروحك جنائن الورد.

كل الشكر على طرحك الرآئع
وفي انتظار ابداعك القادم بكل شوق
لك وافر التقدير
تقبل مروري المتواضع

_






سلمت الأيادي ..
ويعطيك العافية لـ جمال الآنتقاء
لروحك جنائن الورد .

طرح يفوق الجمال
كعادتك إبداع في صفحآتك
يعطيك العافيه يارب
وبإنتظار المزيد من هذا الفيض
لقلبك السعادة والفرح
ودي..

دام عطائك الراقي
تحيه والياسمين